Írska þingið samþykkti í dag neyðarlög sem gerða ráð fyrir því að írska ríkið ábyrgist bæði innistæður í írskum bönkum og skuldbindingar þeirra. Þessar aðgerðir hafa sætt mikilli gagnrýni í nágrannalöndum, einkum Bretlandi, þar sem írsku bankarnir eru með útibú og eru nú í kjörstöðu í samkeppni um viðskiptavini við breska banka. 

Þingið sat á fundi í alla nótt og hefur ekki verið haldinn jafn langur fundur þar í þrjá áratugi. Í morgun samþykkti neðri deild þingsins frumvarpið með 124 atkvæðum gegn 18. Öldungadeildin samþykkti frumvarpið síðan með 39 atkvæðum gegn 5. 

Tryggingin, sem írska ríkið veitir, er metin á um 400 milljarða evra og nær yfir skuldbindinga Allied Irish Bank, Bank of Ireland, Anglo Irish Bank, Irish Life and Permanent, Irish Nationwide Building Society og Educational Building Society. 

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 1 blogg um fréttina

Bloggað um fréttina

• Friðrik Hansen Guðmundsson: Neyðarástand á Íslandi?