Héraðsdómur Reykjavíkur úrskurðaði síðdegis að Samson eignarhaldsfélag, aðaleigandi Landsbankans þar til í morgun, fái greiðslustöðvun til næstu þriggja vikna, eða til 28. október nk. Hefur Gunnar Sturluson, hrl. hjá Logos lögmannsþjónustu, verið skipaður aðstoðarmaður Samson á greiðslustöðvunartímanum.

Eina eign Samson eignarhaldsfélags var þessi hlutur í Landsbankanum, sem keyptur var af íslenska ríkinu haustið 2002 á 12,3 milljarða króna. Verðmæti hlutarins fyrir fáum vikum var um 90 milljarðar króna.

Að sögn Ásgeirs Friðgeirssonar, talsmanns Samson, hefur greiðslustöðvun þessa félags ekki áhrif á nein önnur sem feðgarnir Björgólfur Guðmundsson og Björgólfur Thor Björgólfsson eiga hér á landi.

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 2 blogg um fréttina

Bloggað um fréttina

• Ásgrímur Hartmannsson: Fólk hættir þá væntanlega að sníkja af þeim pening.
• Friðrik Höskuldsson: Sorglegt, en raunverulegt