Kaupþing í London í greiðslustöðvun

Stjórnvöld í Bretlandi hafa ákveðið að setja Kaupþing í Lundúnum í greiðslustöðvun. Jónas Sigurgeirsson, forstöðumaður samskiptasviðs Kaupþings, hefur staðfest þetta. Stjórnarfundur bankans þar stendur nú yfir samkvæmt upplýsingum mbl.is.

Um er að ræða Singer & Friedlander, dótturfélag Kaupþings, sem hefur undanfarna daga lent í því, að viðskiptavinir hafa tekið mikla fjármuni út af svonefndum Kaupthing Egde sparireikningum sem boðið hefur verið upp á í Bretlandi.  Tilkynnt var í morgun, að ING Direct UK, dótturfélag ING Groep NV, stærsta fjármálaþjónustufyrirtækis Hollands, hefði keypt innlán breskra viðskiptamanna Kaupþings og Landsbankans.

Alistair Darling, fjármálaráðherra Bretlands, gaf yfirlýsingu á breska þinginu í dag um þær aðgerðir, sem stjórnvöld hafa ákveðið að grípa til vegna fjármálakreppu þar í landi. Darling talaði þar m.a. um þrjá íslenska banka, sem væru komnir í þrot. 

• 6 blogg um fréttina

Bloggað um fréttina

• Marinó G. Njálsson: Eldurinn hefur borist til útlanda
• Pétur Sig: En hvað með Elton John?
• Gestur Guðjónsson: Afleiðing hálfvitagangs
• Bjarni Kjartansson: Vonandi ekki fyrirboði þess, að Kaupþing hér heima fari
• Heimir Lárusson Fjeldsted: Subbuskapur Guðmundar Ólafssonar hagfræðings
• Hallgrímur Guðmundsson: Mjög sterkir í útlöndum, þessi orð voru