Ágúst Ólafur: Vill að seðlabankastjórar víki

Ágúst Ólafur Ágústsson, varaformaður Samfylkingarinnar, vill að allir 3 bankastjórar Seðlabankans verði látnir fara. Ágúst Ólafur segir bankastjórnina hafa gert mörg mistök að undanförnu. Þá segir hann þörf á myndarlegri lækkun stýrivaxta.

Ágúst segir í samtali við RÚV að mistök bankastjórnarinnar m.a. felast í því að auka ekki gjaldeyrisforðann í tíma, að tryggja ekki nægilegt lánsfé auk þess sem tilraun bankans til þess að festa gengið hafi mistekist. Ágúst Ólafur segir nauðsynlegt að endurvekja traust á Seðlabankanum og það verði ekki gert með núverandi stjórnendur við stjórnvölinn. Björgvin G. Sigurðsson viðskiptaráðherra vildi ekki taka undir með Ágústi í samtali við RÚV.

• 6 blogg um fréttina

Bloggað um fréttina

• Jakob Falur Kristinsson: Seðlabankinn
• Hinrik Pétursson: Komdu fagnandi Ágúst
• Guðmundur Ásgeirsson: Bravó Agúst!
• Hulda Elma Guðmundsdóttir: Skipta þarf um menn í brúnni
• Bjarni Kjartansson: Brjóstumkennanlegt þvaður.
• Sonja B. Jónsdóttir: Burt með brennuvarginn ...