Breska ríkisstjórnin undirbýr nú yfirtöku á tveimur stórum bönkum þar í landi, Royal Bank of Scotland og HBOS en þeir tveir munu standa hvað tæpast af breskum bönkum. Bresku dagblöðin Sunday Times og Sunday Telegraph skýra frá þessu í dag.

Segja blöðin nú ljóst, að kostnaður breska ríkisins við björgunaraðgerðir á fjármálamarkaði verði mun meiri en þeir 50 milljarðar punda, sem upphaflega átti að verja til þeirra mála. Segir Sunday Times, að breska ríkisstjórnin sé nú reiðubúin að verja 75 milljörðum punda til að bjarga breskum bönkum.

Royal Bank of Scotland (RBS) mun fara fram á 15 milljarða punda fyrir meirihlutaeign í bankanum en HBOS mun fra fram á 10 milljarða og að öllum líkindum yrði hætt að versla með hlutabréf í bönkunum á verðbréfamarkaði í London. Með þessum aðgerðum myndi breska ríkisstjórnin eignast 70% hlut í HBOS og 50% hlut í RBS samkvæmt The Sunday Times. Um virðist að ræða svipaða leið og til stóð að fara hér á landi varðandi Glitni.

Bankarnir hafa ekki tjáð sig í fjölmiðlum um málið en talið er líklegt að gefnar verði út tilkynningar á morgun.

Breska ríkið hefur þegar þjóðnýtt tvo minni banka: Northern Rock og Bradford & Bingley.

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 9 blogg um fréttina

Bloggað um fréttina

• Haraldur Bjarnason: Enn og aftur opinberast yfirgangur Breta
• Einar Vignir Einarsson: Ekki vorkun hjá mér.
• Ómar Ingi: Ástandið í hnotskurn um heim allan í geiranum
• Vilborg Traustadóttir: SMJÖRKLÍPUAÐFERÐIN
• Bryndís Svavarsdóttir: Ætla að forðast að kaupa breskar vörur
• Sveinn Sigurður Kjartansson: Yfirlýsingaglaði Brown má gjarna koma með yfirlýsingu núna
• Ómar Ragnarsson: Svipað og 1919-39?
• Hallur Magnússon: Bretar í fórspor Íslendinga í kreppunni?
• Salvör Kristjana Gissurardóttir: Kvíði fyrir morgundeginum