Guðrún Pétursdóttir,  framkvæmdastjóri Stofnunar Sæmundar fróða um sjálfbæra þróun, segir að það sé nauðsynlegt að grípa til aðgerða strax, þar á meðal myndarlega vaxtalækkun og það strax. Slíkar aðgerðir verði að  framkvæma áður en hugað er að öðru. Þetta kom fram í máli Guðrúnar í Silfri Egils í dag.

Guðrún segir að ábyrðin á því hvernig staðan er nú liggi hjá mörgum, stjórnendum bankanna, bæði bankastjórum og bankaráðsmönnum sem og Seðlabankanum. Segir hún að það megi ekki gleyma því að þessi fyrirtæki hafi greitt mjög háa skatta á Íslandi og það hafi enginn hafnað því að taka við þeim skattgreiðslum.

Svandís Svavarsdóttir, borgarfulltrúi Vinstri grænna, telur að allir stjórnmálaflokkar verði að koma að því að endurreisa íslenskt viðskiptalíf. Þetta kom fram í máli Svandísar í Silfri Egils. Sigmundur Davíð Gunnlaugsson, hagfræðingur, telur að nauðsynlegt sé að stór útlendur banki eða bankar verði að koma að uppbyggingu íslensku bankanna. 

Hann óttast að þeim verði skipt á milli Samfylkingarinnar og hluta Sjálfstæðisflokksins. Sigmundur Davíð telur nauðsynlegt að Ísland eignist málsvara í útlöndum svo hægt sé að koma í veg fyrir að skaðinn verði meiri en annars væri. Hann segir Breta ákaflega hernaðarlega sinnaða og það sé það sem Bretar hafi gert gagnvart Íslandi. 

Dagur B. Eggertsson, borgarfulltrúi Samfylkingarinnar, segist skilja vel að það veki athygli að aðstoðarmaður viðskiptaráðherra, Jón Þór Sturluson, verði formaður bankaráðs Glitnis. Hann bendir hins vegar á að Jón Þór hafi mikla reynslu sem háskólakennari og sé með doktorspróf í hagfræði.

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 1 blogg um fréttina

Bloggað um fréttina

• Torfi Kristján Stefánsson: Mjög háa skatta???