Forsvarsmenn Baugs, hafa að sögn blaðsins Daily Telegraph, fengið fyrirtækið BDO Stoy Hayward til að veita ráðgjöf um endurskipulagningu fyrirtækisins.

Segir blaðið að meðal þeirra kosta, sem verið sé að skoða, sé að óska eftir greiðslustöðvun Baugs í Bretlandi. Slíkt myndi ekki hafa bein áhrif á þau fyrirtæki, sem Baugur á hlut í, svo sem verslunarkeðjuna House of Fraser. 

Blaðið hefur eftir talsmanni Baugs, að verið sé að skoða ýmsa möguleika. Viðræðurnar við BDO Stoy Hayward séu enn á frumstigi.

Blaðið hefur eftir heimildarmönnum, sem þekkja vel til, að talið sé að það kunni að flýta björgunaraðgerðum og endurfjármögnun fyrirtækja í eigu Baugs ef móðurfélagið fær greiðslustöðvun. 

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 1 blogg um fréttina

Bloggað um fréttina

• Tori: Vonandi