Nýr Glitn­ir banki hf. hef­ur verið stofnaður um inn­lenda banka­starf­semi Glitn­is banka hf. Nýi  bank­inn tek­ur yfir inn­lend­ar eign­ir Glitn­is til þess að tryggja eðli­lega banka­starf­semi og ör­yggi inn­stæðna á Íslandi. Alþjóðleg starf­semi Glitn­is er skil­in frá. Öll úti­bú, þjón­ustu­ver, hraðbank­ar og net­banki Glitn­is verða opin. 

Í til­kynn­ingu frá Fjár­mála­eft­ir­lit­inu seg­ir, að með því að taka ákvörðun um  að flytja hluta af starf­semi Glitn­is banka hf. til nýs banka, sem sé að fullu í eigu ís­lenska rík­is­ins sé tryggð áfram­hald­andi banka­starf­semi fyr­ir heim­il­in og fyr­ir­tæk­in í land­inu. 

Í ákvörðun­inni felst m.a. að nýi bank­inn yf­ir­tek­ur all­ar inn­stæðuskuld­bind­ing­ar í bank­an­um á Íslandi og sömu­leiðis stærst­an hluta eigna bank­ans sem tengj­ast ís­lenskri starf­semi s.s. lán og aðrar kröf­ur.

Á næstu 30 dög­um mun fara fram mat óháðs aðila á verðgildi eigna og skulda og lo­ka­upp­gjör.  Eigið fé nýja bank­ans verður 110 millj­arðar króna sem ríkið legg­ur fram.  Stærð efna­hags­reikn­ings hins nýja banka verður um 1200 millj­arðar króna.

Birna Ein­ars­dótt­ir hef­ur verið ráðin banka­stjóri.  Lyk­il­stjórn­end­ur hins nýja banka munu sjá um kynn­ingu á starf­semi hans en heiti hans verður Nýi Glitn­ir banki hf.

Tengd­ar frétt­ir

Bankakreppa

Biðu sömu ör­laga og Ísland

• Vilja að bank­arn­ir end­ur­greiði aðstoðina
• Merki um siðrof í þjóðfé­lag­inu
• Eign­ir metn­ar á 775 millj­arða
• Aukn­ar álög­ur á íbúa Grims­by

» Fleiri tengd­ar frétt­ir

• 7 blogg um frétt­ina

Bloggað um frétt­ina

• Guðmund­ur Jóns­son: Nýi Glitn­ir
• Sig­urður Þórðar­son: Þetta var allt vitað. Skoðið skýrsl­una
• Guðbjörn Jóns­son: Velfarnaðarósk­ir, með von um gott gengi
• Gísli Foster Hjart­ar­son: Kaup og kjör?
• Björg­vin Guðmunds­son: Nýi Glitn­ir tek­inn til starfa
• Marinó G. Njáls­son: Velfarnaðarósk­ir
• Brynja Dögg Ívars­dótt­ir: Opnið fyr­ir milli­færsl­ur