Jean-Claude Juncker, forsætisráðherra, Lúxemborgar, sagði við blað í Lúxemborg í dag að þarlend stjórnvöld verði að aðstoða Kaupþing við að komast út úr erfiðleikum til að tryggja innistæður belgískra sparifjáreigenda   og auka traust á fjármálakerfi landsins. 

Viðtalið var tekið skömmu áður en Juncker átti viðræður við Yves Leterme, forsætisráðherra Belgíu, um sameiginlegar aðgerðir ríkjanna til varnar fjármálakerfinu.

„Ef almenningur í Belgíu telur, að ríkisstjórn Lúxemborgar aðstoði aðeins þá banka, sem hafa með innistæður Lúxemborgara að gera, þá myndi það ríða Lúxemborg sem fjármálamiðstöð að fullu," sagði Juncker.

Dótturfélag Kaupþings í Lúxemborg hefur rekið útibú í Belgíu og Junker sagði að Lúxemborg bæri skylda til að veita belgískum sparifjáreigendum aðstoð.

Þegar hann var spurður hvort hann teldi að eitthvað lát væri að verða á alþjóðlegu fjármálakreppunni, sem hefur lagst með fullum þunga á Ísland, svaraði hann: „Ég sé ekkert ljós við enda ganganna."

Von er á Yves Leterme, forsætisráðherra Belgíu, til Íslands í dag til að ræða við Geir H. Haarde, forsætisráðherra, um ástandið á fjármálamörkuðum en íslenskir bankar voru með talsverða starfsemi í Benelux-löndunum þremur: Lúxemborg, Belgíu og Hollandi. 
 

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 1 blogg um fréttina

Bloggað um fréttina

• Gestur Guðjónsson: Lúxemborgarar með jarðsamband