Bandaríska viðskiptablaðið Wall Street Journal hefur eftir ónafngreindum íslenskum embættismanni, að íslensk stjórnvöld muni væntanlega óska formlega eftir aðstoð Alþjóðagjaldeyrissjóðsins (IMF) um helgina.

Blaðið segir, að gjaldeyrismarkaðurinn á Íslandi sé enn óvirkur og spurningar hafi vaknað um getu stjórnvalda til að uppfylla skuldbindingar varðandi lánagreiðslur. 

Blaðið segir, að Fjármálaeftirlitið hafi staðfest, að ekki hafi verið greidd 750 milljóna dala afborgun láns, sem Glitnir tók og var á gjalddaga á miðvikudag. Haft er eftir Kate Hill, talsmanni stofnunarinnar, að verið sé að fara yfir eignir og skuldir íslensku bankanna, sem hafa verið yfirteknir. 

Sérfræðingar, sem blaðið hefur rætt við, eru sagðir hafa komist að þeirri niðurstöðu að staða eigenda skuldabréfa bankanna verði neikvæð, eins og það er orðið.

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• Blogga um frétt