Eignastýringardeild S&F seld

Verðbréfafyrirtækið Evolution Group hefur keypt eignastýringardeild einstaklingsviðskipta hjá Singer & Friedlander, dótturfélagi Kaupþings í Lundúnum. Kaupverðið er sagt vera 5 milljónir punda, jafnvirði  tæplega milljarðs íslenskra króna.

Að sögn blaðsins Daily Telegraph lýstu um 40 fyrirtæki áhuga á að kaupa deildina, þar sem um 40 manns starfa fyrir 4000 viðskiptavini með um 1,5 milljarð punda í stýringu.  Deildin verður sameinuð Williams de Broë, eignastýringardeild Evolution.

Að sögn blaðsins býst Evolution ekki við að halda öllum viðskiptavinum S&F en vonast til að halda að minnsta kosti 1 milljarði punda áfram í stýringu. Blaðið hefur eftir sérfræðingum, að kaupverðið sé afar hagstætt og langt undir markaðsverði þar sem oft er miðað við 3% af eignum í stýringu. Það þýddi að verðmæti eignastýringardeildarinnar væri um 30 milljónir punda.

Kaupþing keypti Singer & Friedlander árið 2005 fyrir 550 milljónir punda. Þegar breska fjármálaeftirlitið setti breska bankann settur í greiðslustöðvun 8. október störfuðu þar 770 manns. Það var endurskoðunarfyrirtækið  Ernst & Young, sem stýrir Singer & Friedlander ágreiðslustöðvunartímanum, sem gerði samninginn við Evolution.

• 1 blogg um fréttina

Bloggað um fréttina

• Jón Finnbogason: 5 í stað 30