„Við náðum lendingu þessa vikuna,“segir Agnar Hansson bankastjóri Sparisjóðabankans, sem áður hét Icebank. Það þýðir að bankinn þarf ekki að leggja strax fram um 70 milljarða króna í auknar tryggingar vegna lána í Seðlabankanum. Fresturinn hefur verið lengdur um viku.

Agnar segir að menn verði að velta fyrir sér hvort ríkið sé betur statt ef Sparisjóðabankinn fari í þrot. Bankinn haldi sparisjóðakerfinu gangandi og hafi byggt upp mikilvægt greiðslunet við útlönd síðastliðin 25 ár. Það sé ómetanlegt núna þegar greiðslumiðlun sé eins og æðakerfi sem tryggi flæði fjármagns milli aðila á markaðnum. Þó Seðlabankinn gæti hugsanlega byggt upp stoðkerfi við sparisjóði sé ekki hlaupið að því að byggja upp greiðslumiðlun við útlönd.

Agnar telur nauðsynlegt að ríkið komi að rekstri bankans og leggi honum jafnvel til eigið fé. Þá mundi eignarhald breytast til samræmis við það. Lykilatriðið sé að halda Sparisjóðabankanum gangandi vegna þess  hlutverks sem hann gegnir fyrir sparisjóðina og greiðslumiðlun til og frá landinu.

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 1 blogg um fréttina

Bloggað um fréttina

• Markús frá Djúpalæk: Stjórnendur fjármálafyrirtækja og laun þeirra