Héraðsdómur Reykjavíkur samþykkti í dag beiðni Stoða um framlengingu heimildar til greiðslustöðvunar til 20. janúar á næsta ári. Stærstu lánardrottnar félagsins, sem fara með yfir 50% skulda félagsins, höfðu áður lýst yfir stuðningi við framlengingu greiðslustöðvunarinnar.

Í tilkynningu frá félaginu segir, að stjórn og stjórnendur Stoða fái nú svigrúm til að leita hagkvæmustu lausna með hagsmuni allra lánardrottna að leiðarljósi. Ljóst megi vera að umrót síðustu vikna og slæm staða íslensks efnahagslífs hafi haft neikvæð áhrif á verðmæti og starfsemi félaga í eigu Stoða. Það sé því forgangsverkefni stjórnenda Stoða að skapa ró og festu í rekstri félaganna og varðveita verðmæti þeirra.

Stoðir eiga eignarhluti í félögum á borð við Tryggingamiðstöðina, Landic Property, Refresco, Iceland Foods, Alfesca, Bayrock Group, Royal Unibrew, Nordicom og Þyrpingu.

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 1 blogg um fréttina

Bloggað um fréttina

• Níels A. Ársælsson.: Augljós hægfara og kvalafullur dauðdagi