Samdráttur í breskri smásölu

Smásala í Bretlandi dróst saman um 0,4% í febrúar og hefur smásala því aðeins aukist um 1,8% á árinu. Hefur vöxtur smásölu ekki verið minni í tvö og hálft ár.

Er búist við því að almenningur dragi umtalsvert úr neyslu sinni vegna ástands efnahagsmála í Bretlandi. Í september dró mest úr sölu á fatnaði og heimilistækjum, en sala á matvælum jókst hins vegar lítillega.

Undanfarið hafa nokkrar stórar verslanir og verslanakeðjur greint frá tekjusamdrætti. Tekjur drógust saman um 10,3% hjá Homebase milli mars og ágúst og um 6,1% hjá Marks og Spencer milli júlí og september. Þá drógust sölutekjur JJB Sports saman um 5,6% milli febrúar og júlí.

Í þessu tölum er ekki tekið tillit til fjölgunar eða fækkunar verslana viðkomandi fyrirtækis milli ára.

• 1 blogg um fréttina

Bloggað um fréttina

• Jóhann Frímann Traustason: Ekkert skrýtið