Dominique Strauss-Kahn, framkvæmdastjóri Alþjóðagjaldeyrissjóðsins (IMF), segir á vef stofnunarinnar að Ísland hafi samið framsækna efnahagsáætlun sem miði að því að endurvekja traust á bankakerfinu, koma á jafnvægi í gengismálum á næstunni og í ríkisfjármálum til lengri tíma litið.  

„Ég tel að þessar ákveðnu aðgerðir réttlæti hve aðgengi að fé úr sjóðnum er rúmt - það svarar til 1.190% af kvóta Íslands í IMF - og verðskuldi stuðning alþjóðasamfélagsins," segir Strauss-Kahn.  

Fram kemur á vef IMF, að Ísland fái 2,1 milljarð dala að láni hjá sjóðnum til tveggja ára til að styðja við uppbyggingu efnahagslífsins. Nú fari framkvæmdastjórn sjóðsins yfir áætlun Íslands og gert sé ráð fyrir að samkomulag geti legið fyrir í byrjun nóvember. Eftir að stjórn IMF hafi samþykkt það geti Ísland fengið 830 milljónir dala af láninu strax, jafnvirði um 100 milljarða króna. 

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 3 blogg um fréttina

Bloggað um fréttina

• Jakob Falur Kristinsson: Efnahagsáætlun
• Björn Heiðdal: Mitt breiða bak.
• Dunni: Framsækin efnahagsstefna, Guðni Á & Steingrímur S