Fullyrðingar Darlings dregnar í efa
Setja bókamerki
Bresk dagblöð segja í dag, að útskrift, sem birtist í gærkvöldi í Kastljósi Sjónvarpsins af samtali Árna M. Mathiesen, fjármálaráðherra, og Alistair Darling, fjármálaráðherra Bretlands, grafi undan fullyrðingum Darlings um að Íslendingar hafi neitað að bæta breskum sparifjáreigendum af falli Landsbankans.
Bæði blöðin The Times og Financial Times segja, að útskriftin styðji ekki þær fullyrðingar Darlings í breska útvarpinu BBC að morgni 8. október, að íslensk stjórnvöld ætli ekki að standa við skuldbindingar sínar.
Financial Times segir að Árni fullyrði hvergi að Ísland muni ekki uppfylla skuldbindingar sínar.
Blaðið hefur eftir talsmanni breska fjármálaráðuneytisins, að breska ríkisstjórnin hafi lýst því ítrekað yfir, að sú ákvörðun að vernda hagsmuni breskra sparifjáreigenda sem áttu innistæður í íslenskum bönkum hafi verið tekin eftir víðtækar samræður við íslensk stjórnvöld.
Talsmaður ráðuneytisins sagði hins vegar við mbl.is 9. október að Darling hafi metið það þannig eftir símtalið við Árna 7. október, að ekki fengjust bætur vegna innistæðna á Icesave reikningum. Efnislega hafi hann skilið íslenska fjármálaráðherrann þannig að breskir sparifjáreigendur myndu tapa peningum sínum.
Þórarinn: Tafir á höfuðborgarsvæðinu ekki minni
Einar skorar á næstu ríkisstjórn
Átti ekki að láta pirring bitna á sjúklingi
Óttast að fólk fari aftur að eyða peningum
Erlendir miðlar greina frá tíunda gosinu
Á algjöru frumstigi eftir þrjár vikur af verkfalli
Úlfar: Heppileg tímasetning á gosinu
Búseta skortir byggingarlóðir