Hugsanlega gæti þurft að loka tímabundið kauphöllum haldi yfirstandandi hrun á gengi hlutabréfa áfram, að mati Danske Bank og Saxo Bank.

Í frétt á vefsíðu Børsen er haft eftir sérfræðingum bankanna tveggja að eigi að koma í veg fyrir fullkomið hrun á hlutabréfamörkuðum og alvarlega kreppu gæti þurft að loka kauphöllum.

Undanfarna daga hafa kauphallir á norðurlöndunum lækkað um mikið og segir í fréttinni að lækkanirnar megi rekja að stórum hluta til þess að vogunarsjóðir séu að selja hlutabréfaeignir sínar. Ekki sé vitað hvað mikið standi eftir af þessum eignum sjóðanna og því erfitt að sjá hve lengi lækkunarhrinan muni standa.

Haldi markaðir áfram að lækka um 2-4% á dag sé nauðsynlegt að loka kauphöllum. Stemningin á mörkuðum einkennist ekki lengur af ofsahræðslu, heldur algerri uppgjöf.

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 2 blogg um fréttina

Bloggað um fréttina

• Baldvin Jónsson: Það er mikið
• Svavar Guðmundsson: Löngu tímabært