Keðjuverkun vegna gjaldþrots Sterling
Setja bókamerki
Gjaldþrot danska lággjaldaflugfélagsins Sterling, sem er í íslenskri eigu, hefur haft í för með sér keðjuverkun. Í dag óskaði danskt dótturfélag Menzies Aviation, sem sér um innritun farþega á flugvöllum, eftir gjaldþrotaskiptum en um 70% af starfsemi þess í Danmörku tengdist flugi Sterling.
Að sögn fréttavefjar Børsen misstu 200 starfsmenn Menzies vinnuna en hugsanlega geta þeir fengið vinnu hjá keppinautnum Novia, sem sér um innritun fyrir norska lággjaldaflugfélagið Norwegian Air. Norska félagið gekk á lagið í gær eftir gjaldþrot Sterling og tilkynnti að það myndi hefja flug á 11 nýjum flugleiðum frá Kastrupflugvelli í Kaupmannahöfn.
Gjaldþrot Sterling var einnig áfall fyrir LSG Sky Chef, sem sá um veitingar um borð í vélum félagsins. LSG, sem er í eigu þýska flugfélagsins Lufthansa, er með 750 manns í vinnu í Danmörku og talsmaður félagsins segist óttast að fækka þurfi starfsfólki þar verulega.
Þetta eru ráðherrar ríkisstjórnarinnar
Alvarleg netárás á Wise
„Börn heima sem maður myndi vilja hafa í skjóli“
Skattamál verði líklega „þeirra mesta klemma“
Barn lést í árásinni
„Mér finnst gamla Samfylkingin komin aftur“
Bjarni: „Útilokað að þetta geti gengið upp“
Var engin kristnitaka árið 1000?
