Óvissa um fjármögnun
Setja bókamerki
„Hluti af fjármögnun kaupanna kom frá Landsbankanum sem hefur verið tekinn yfir af íslenska ríkinu [...] Við finnum fyrir pressunni og skiljum að fólk sé hugsi yfir því að íslenskir bankar hafi verið með í fjármögnuninni,“ segir Gísli Reynisson, eigandi fjárfestingafélagsins Nordic Partners.
Óvissu gætir nú um fjármögnun kaupa Nordic Partners á hótelunum D'Angleterre, Kong Fredrik og Front, og veitingastaðnum Copenhagen Corner, sem gengið var frá fyrir rúmlega ári síðan, samkvæmt frétt danska viðskiptavefsins buisness.dk. D'Angleterre hótelið er eitt frægasta hótel Norðurlanda og er í miðbæ Kaupmannahafnar.
Haft er eftir Gísla í samtali við buisness.dk, viðskiptavef Berlingske Tidende, að hann hafi ekki fengið upplýsingar frá hinum þjóðnýtta Landsbanka um að forsendur fyrir lánasamningum vegna kaupa hótelunum og veitingastaðnum, hafi breyst.
Berlingske segir, að rekstur hótelanna og fasteignar í Amaliegade í Kaupmannahöfn hafi ekki gengið vel á þessu ári og tap sé á rekstrinum. Þá virðist sem svo, að Nordic Partners hafi greitt mun hærra verð en áður var talið. Félagið hafi nefnilega yfirtekið allar skuldir eignarhaldsfélags hótelanna og það þýði að kaupverðið sé mun hærra en þær 700 milljónir danskra króna, sem upphaflega var áætlað að Nordic Partners hafi greitt.
Mjög alvarlegt ef Njarðvíkuræð gefur sig
Drónamyndskeið frá hápunkti gossins í nótt
Hluti bílastæðis undir hraun: Ómögulegt að meta tjón
Yfir 300 stæði fóru undir hraun
Börn hafi engan rétt á leikskólakennslu
Líklega komin á seinni hluta hrinunnar í Svartsengi
„Erum í miðri hrinu“: Styttist í Eldvörp