Vaki gerir 200 milljón króna samning

Nýlega gerði íslenska hátæknifyrirtækið Vaki leigusamning við fyrirtækið Marine Harvest að verðmæti 200 milljónir króna. Marine Harvest er stærsta laxeldisfyrirtæki heims með eldi í Noregi, Skotlandi, Chile og Canada. Um er að ræða viðbót við mikil viðskipti fyrirtækjanna sem staðið hafa til margra ára.

Samningurinn er um leigu á búnaði sem mælir stærð og vöxt fiska neðansjávar og hefur tæknin verið þróuð hjá Vaka undanfarin ár og er því algjörlega íslenskt hugverk.

Vaki telur að þessari nýja lausn, sem er sú fyrsta sinnar tegundar, skapi mikla vaxtarmöguleika fyrir fyrirtækið enda hefur fiskeldi í heiminum stóraukist síðustu ár, að því er segir í tilkynningu.

Færst hefur í vöxt að fyrirtækið geri samninga um leigu á búnaði, frekar en sölu, en þá felur samningurinn einnig í sér að Vaki sér um að þjónusta búnaðinn.

• 1 blogg um fréttina

Bloggað um fréttina

• Bergur Finnbogason: HA og þetta er ekki álver!