Ríkisstjórnir Evrópusambandsríkjanna hafa samþykkt að veita Ungverjalandi 6,5 milljarða evra lán. Lánveitingin er hluti af björgunarpakka til þess að bjarga efnahag landsins. Er þetta í fyrsta skipti sem ESB veitir lán úr neyðarsjóð sem stofnaður var fyrir sex árum til þess að veita ríkjum innan sambandsins aðstoð í erfiðleikum.

Lánið er til fimm ára og er hluti af 25,1 milljarðs evra björgunarpakka Ungverjalands. Gjaldmiðill Ungverjalands hrundi í síðasta mánuði og er láninu ætlað að aðstoða stjórnvöld við að greiða skuldir sem fallnar eru á gjalddaga.

Fastlega er gert ráð fyrir því að Alþjóða gjaldeyrissjóðurinn samþykki á morgun að veita Ungverjum lánaheimild til sautján mánaða upp á 15,7 milljarða evra. Jafnframt mun Alþjóðabankinn lána Ungverjum 1,3 milljarða evra.  Ekki er talið að Ungverjaland þurfi að nýta sér lánaheimildir að fullu.

Yfirmaður evru-málefna hjá Evrópusambandinu, Jean-Claude Juncker, forsætisráðherra Lúxemborgar, hvatti í dag önnur Evrópusambandsríki til þess að hika ekki við að leita til ESB áður en leitað er eftir fjárhagsaðstoð hjá Alþjóða gjaldeyrissjóðnum.

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 1 blogg um fréttina

Bloggað um fréttina

• Hallur Magnússon: Hefði Ísland getað fengið úr neyðarsjóði ESB?