Olíuverð lækkar enn

Verð á hráolíu hefur lækkað umtalsvert á heimsmarkaði í morgun. Hefur verðið á svonefndri Brent Norðursjávarolíu lækkað í 54,37 dali tunnan á markaði í Lundúnum og ekki verið lægra frá því í ársbyrjun 2007. Er ástæðan sögð sú að miðlarar búast við minnkandi eftirspurn vegna efnahagssamdráttar. 

Í New York var verð á hráolíu, sem afhent verður í desember, 57,90 dalir í morgun og hefur ekki verið lægra frá því í mars á síðasta ári. 

N1 hækkaði verð á bensíni og dísilolíu um 4-6 krónur lítrann í gær og vísaði til lækkandi gengis krónunnar að undanförnu. Ekkert annað íslenskt olíufélag hefur enn fetað í þau fótspor.

• 3 blogg um fréttina

Bloggað um fréttina

• Þórarinn M Friðgeirsson: Rannsóknarlögregluna á olíufyrirtækin strax.
• Kaj Skúli Hansen: sniðgöngum n1
• Haraldur Bjarnason: ..og Neinn hækkar