Svarar gagnrýni um gjafakvóta

Sú gagnrýni að útgerðarmenn landsins geri út á gjafakvóta er á veikum grunni byggð, að því er Adolf Guðmundsson, formaður LÍÚ, að því er segir á vefsíðu sambandsins.

Segir Adolf að könnun frá því í vor hafi sýnt að um 87,5% aflaheimildanna sem úthlutað var 1984 hafi skipt um hendur og verið keyptar af núverandi útgerðaraðilum. Aðeins um 12,5% upphaflegs kvóta sé enn í eigu þeirra sem fengu honum úthlutað.

Adolf segir einnig að í umræðu um fiskveiðistjórnunarkerfið sé gjarnan ýjað að því að það sé sniðið að þörfum stærri útgerða. Í þeirri umræðu gleymist t.d. sú staðreynd að frá því að aflamarkskerfinu var komið á hafi 32% veiðiheimilda í þorski verið færðar frá aflamarksskipum til smærri báta auk þess sem umtalsverðar aflaheimildir í ýsu hafi verið fluttar til þeirra.

Könnunin, sem vísað er til frá í vor, náði til fisktegunda sem voru kvótasettar á sínum tíma og hafa verið það óslitið síðan. Þetta eru þorskur, ýsa, ufsi, karfi, grálúða, síld og loðna.

• 2 blogg um fréttina

Bloggað um fréttina

• Níels A. Ársælsson.: Minni Vestfjarða
• Guðbjörn Jónsson: Athyglisverðar yfirlýsingar