Danskur fjárfestingarsjóður að kaupa Sterling

Fullyrt er að danski fjárfestingarsjóðurinn Axcel eigi í viðræðum við skiptastjóra þrotabús flugfélagsins Sterling um að kaupa reksturinn. Viðræðurnar virtust hafa farið út um þúfur í gær þegar stéttarfélag flugmanna og flugfreyja hafnaði því að gera nýjan kjarasamning en slíkur samningur var hins vegar gerður í nótt. Staðfest hefur verið að starfsmennirnir taka á sig launalækkun með samningnum.

Axcel var stofnaður árið 1994. Hluthafar eru danskir fjárfestar, þar á meðal FIH Erhvervsbank, sem er í eigu Kaupþings en var settur sem veð fyrir 500 milljóna evra láni, sem íslenski bankinn fékk hjá íslenska seðlabankanum. Einnig eru Nordea og Kirkbi, fjárfestingarfélag Lego-fjölskyldunnar og danskir lífeyrissjóðir meðal hluthafa.

Gert er ráð fyrir því að á morgun skýrist hvort af kaupunum á Sterling verði. Er hugsanlegt að flugvélar Sterling komist á loft um helgina gangi allt samkvæmt áætlunum.

• 1 blogg um fréttina

Bloggað um fréttina

• Hallgrímur Guðmundsson: Nafnið á þessum fjárfestingarsjóð er