Veikir málstað Íslendinga

Upplýsingarnar sem Davíð Oddsson, formaður bankastjórnar Seðlabankans, sagði að hann byggi yfir á fundi Viðskiptaráðs Íslands í síðustu viku, gætu styrkt málstað breskra stjórnvalda í deilunni um setningu hryðjuverkalaga til að frysta eignir íslenskra banka í síðasta mánuði. Þetta segir  Financial Times.

Í grein í FT segir að Davíð hafi í varnaræðu sinni á fundi Viðskiptaráðs síðastliðinn þriðjudag sagt að öll samtöl vegna þessa máls hafi ekki verið birt. Þegar málin verði rannsökuð hljóti fleiri samtöl að verða birt og honum, þ.e. Davíð, sé kunnugt um efni þeirra og honum sé kunnugt um hvað í raun hafi ráðið afstöðu breskra sjórnvalda.

„Þetta er í fyrsta skipti sem einn af þeim sem er í innsta hring íslenska fjármálakerfisins gefur í skyn að það sé Íslendingum sjálfum að kenna að Bretar tóku hina umdeildum ákvörðun,“ segir FT. Þá segir blaðið að þessi orð Davíðs kunni að veikja málstað Íslendinga í fyrirhuguðum málaferlum íslenskra stjórnvalda gegn breskum fyrir beitingu hryðujverkalanna gegn Íslendingum.

• 8 blogg um fréttina

Bloggað um fréttina

• Magnús Már Halldórsson: Á ábyrgð okkar Íslendinga allra
• Sigurður Hrellir: Slökkvistarfið gengur illa
• Guðjón Baldursson: Hryðjuverkamaður Íslands nr. 1
• Finnur Ólafsson Thorlacius: Þvílíkt bull
• Sigurbjörn Sveinsson: Sagan af spillingunni endalausu
• Hólmdís Hjartardóttir: Dýrt kveðið
• Hallur Magnússon: Er ekki kominn tími til að hætta ...?
• Birgir Gunnarsson: Ef það breytir einhverju þá skal þessi maður víkja ...