Segja rangfærslur í frétt Stöðvar 2

Regluvörður gamla Glitnis hefur sent frá sér yfirlýsingu þar sem segir að ranglega hafi verið sagt í fréttum Stöðvar 2 í kvöld, að félagið Stím. ehf. hafi keypt og selt 0,87% í Glitni fimm sinnum.

„Fréttin byggist á misskilningi fréttamanns sem var að skoða opinbera hluthafalista yfir 20 stærstu hluthafa bankans. Þar kemur fram að Stím ehf. fór inn og út af hluthafalistanum eftir því hve hlutur annarra hluthafa í bankanum jókst eða minnkaði hverju sinni.

Í þessum fréttaflutningi er því um alvarleg mistök fréttastofu Stöðvar 2 að ræða," segir í yfirlýsingunni.

• 1 blogg um fréttina

Bloggað um fréttina

• Tori: Bankaleynd burt