Ekki ákvörðun um Kaupþing í Lúxemborg í dag
Setja bókamerki
Ekki verður tilkynnt í dag, hvort samningar hafi tekist um sölu á Kaupþingi í Lúxemborg. Forsætisráðherra Belgíu sagði í síðustu viku, að niðurstaða myndi liggja fyrir í dag en talsmaður hans sagði í morgun að tafir yrðu á því vegna tæknilegra ástæðna.
Talsmaður Yves Leterme, forsætisráðherra Belgíu, sagði að ýmis tæknileg og lagaleg vandkvæði hefðu komið upp. Hins vegar hefði ekkert dregið úr áhuga þess aðila, sem rætt væri við um kaupin.
Talsmaðurinn sagði að vandamálin væru ekki óyfirstíganleg og ákvörðun yrði tekin í næstu viku.
Leterme sagði við blaðamenn sl. föstudag að ákveðinn aðili ætti í alvarlegum viðræðum um kaup á Kaupþingi í Lúxemborg og 3-4 aðilar aðrir hefðu hug á að kaupa starfsemi bankans í Belgíu.
Að sögn blaða í Lúxemborg og Belgíu eru Keytrade Bank, dótturfélag franska bankans Credit Agricole, þýski bankinn Landesbank Nord og fjárfestingarsjóður Líbýu meðal þeirra sem hafa sýnt bankanum áhuga.
Yfirvöld í Lúxemborg hafa umsjón með Kaupþingi í Lúxemborg og réðu endurskoðunarfyrirtækið PricewaterhouseCoopers til að selja bankann. Bankinn fór í greiðslustöðvun eftir fall bankanna hér en hann er fyrsti erlendi bankinn í eigu Íslendinga, stofnaður 1998.
Sáu eldgosið brjótast út frá Snæfellsnesi
Hraunið náð Njarðvíkuræð: Fylgjast með raflínu
Mjög alvarlegt ef Njarðvíkuræð gefur sig
Mæðgur dæmdar til að greiða 64 milljónir
Ástæða til að ætla að eldgosahrinu fari að ljúka
Hraunið við bílastæði Bláa lónsins
Hluti bílastæðis undir hraun: Ómögulegt að meta tjón