Madoff í stofufangelsi

Bernard Madoff, einn af virtustu fjármálamönnum New York, var úrskurðaður í stofufangelsi í dag vegna rannsóknar á svikamáli hans. Madoff var skipað að bera rafrænt ökklaband til að hægt yrði að fylgjast með ferðum hans.

Madoff var settur í útgöngubann og konu hans var gert að afhenda vegabréf sitt, auk þess sem hún þarf að veðsetja fasteignir sínar í New York og Flórída. Madoff hefur þegar afhent vegabréf sitt og sett íbúð sína í New York að veði vegna úrskurðar um að hann verði leystur úr haldi gegn tíu milljóna dollara tryggingu. Íbúðin er metin á 7 milljónir dollara, sem svarar rúmum 800 milljónum króna.

Madoff er sjötugur og var eitt sinn yfirmaður Nasdaq-kauphallarinnar í New York. Hann hefur orðið uppvís að því að svíkja minnst 50 milljarða dollara út úr viðskiptavinum sínum á síðustu árum, meðal annars mjög öflugum bönkum.

• 5 blogg um fréttina

Bloggað um fréttina

• Halldór Jónasson: Þarna eru réttir menn rukkaðir
• Bergur Thorberg: Puttabönd
• Júlíus Björnsson: Holy Iceland
• Hólmdís Hjartardóttir: Hann þyrfti að komast hingað.
• Sigurður Þórðarson: Útrásarvíkingur með öklaband