Olíuverð ekki lægra í 4½ ár

Verð á hrá­ol­íu fór niður í rúma 40 dali tunn­an á markaði í New York nú síðdeg­is og hef­ur ekki verið lægra í fjög­ur og hálft ár. Verðið lækkaði eft­ir að nýj­ar töl­ur birt­ust um birgðastöðu eldsneyt­is í Banda­ríkj­un­um. Leiðtog­ar OPEC-ríkj­anna samþykktu í dag að skerða fram­leiðslu um 2,2 millj­ón­ir tunna á dag.

Al­mennt hafði verið bú­ist við þess­ari ákvörðun OPEC og segja sér­fræðing­ar, að markaður­inn hafi þegar mið af henni í verðlagn­ingu.  Nú virðist hins veg­ar vera að safn­ast upp um­frambirgðir af olíu í Banda­ríkj­un­um þar sem það dragi úr eft­ir­spurn á öll­um sviðum at­vinnu­lífs­ins.

Dan Flynn, miðlari hjá Al­aron Tra­ding í Chicago, seg­ir við vef­inn mar­ketwatch að hann bú­ist við því að olíu­verð verði 30-35 dal­ir tunn­an á næstu vik­um.

Nýj­ar töl­ur sem birt­ust í dag sýndu, að hrá­olíu­birgðir í Banda­ríkj­un­um juk­ust um 500 þúsund tunn­ur á síðustu viku en sér­fræðing­ar höfðu spáð 900 þúsund tunna sam­drætti. Þá juk­ust bens­ín­birgðir um 1,3 millj­ón­ir tunna. 

Miðlar­ar í olíu­viðskipta­deild hrávörumarkaðar­ins í New York. Reu­ters

• 7 blogg um frétt­ina

Bloggað um frétt­ina

• Þór­ar­inn M Friðgeirs­son: Og eig­um við von á lækk­un á morg­un ?
• Ólaf­ur Þórðar­son: Olíu­verðið lágt, hátt, heimsend­ir í nánd??
• Vign­ir Arn­ar­son: Og ef að olíu­fé­lög­in hækka ekki verðið þá bara kem­ur …
• Ingimar Eggerts­son: Kvað verður það lengi?
• Jó­hann Elías­son: Nú fylg­ir eldsneytis­verð EKKI heims­markaðsverði!!!
• Reyn­ir W Lord: Frá­bært .. fáum við lækk­un hér.. Nei Olíu­fé­lög­inn taka þetta …
• Júlí­us Björns­son: ESS íþyngj­andi