Flestir framkvæmdastjórar Gamla Glitnis og Kaupþings sem sagt var upp í kjölfar bankahrunsins ætla í mál við bankana vegna vangoldinna launa. Fulltrúar skiptaráðenda bankanna telja að framkvæmdastjórarnir eigi ekki rétt á kröfum í þrotabú bankanna. Þetta kom fram í fréttum RÚV.

Samkvæmt upplýsingum fréttastofu RÚV ætla þeir framkvæmdastjórar sem ekki hafa fengið sinn uppsagnarfrest greiddan að höfða prófmál á hendur gömlu bönkunum til þess að freista þess að fá laun sín greidd. Það gæti hins vegar tekið sinn tíma því lögsóknir gegn þrotabúum bankanna eru óheimilar næstu tvö ár.

Fulltrúar skiptaráðenda gamla Glitnis og Kaupþings hafa nú ákveðið að næstráðendur í bönkunum eða flest allir framkvæmdastjórar eigi ekki forgangskröfur í þrotabú gömlu bankanna. Þeir fá því ekki uppsagnarfrest sinn greiddan.

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 1 blogg um fréttina

Bloggað um fréttina

• Sigurður Sigurðsson: Þeir hafa efni á því ??