Tunnan af hráolíu komin niður fyrir 41 dal

Heimsmarkaðsverð á olíu hélt áfram að lækka í dag í kjölfar frétta af auknu atvinnuleysi í Bandaríkjunum, stærsta hagkerfi heims. Hefur atvinnuleysi ekki mælst jafn mikið þar í landi í sextán ár. Verð á hráolíu til afhendingar í febrúar hefur lækkað um einn dal tunnan á NYMEX markaðnum í New York og er nú 40,70 dalir. Fyrr í vikunni hafði heimsmarkaðsverð á olíu hækkað talsvert vegna átakanna á Gaza og fór í tæpa 48 dali tunnan. 

Í Lundúnum lækkaði verð á Brent Norðursjávarolíu um 86 sent og er 44,81 dalur tunnan.

• 1 blogg um fréttina

Bloggað um fréttina

• Ásgeir Jóhann Bragason: Hráolia lækkar í verði út í heimi.