Innistæðueigendur fá greitt

Þúsundir breskra viðskiptavina Singer & Friedlander, dótturfélags Kaupþings, munu fá inneign sína greidda út í vikunni. Samkvæmt upplýsingum frá Tryggingasjóði innistæðueigenda þar í landi (Financial Services Compensation Scheme) er vonast til að um 3.500 innistæðueigendur fái greitt. Reynt verður að sinna þeim sem eftir standa eins fljótt og auðið er.

Greiðslurnar eiga aðeins við þá viðskiptavini sem eiga innistæður hjá Singer & Friedlander en ekki Kaupthing Edge, sem aðeins var í gegnum internetið.

Gengið hefur mun hægar fyrir viðskiptavini Kaupþings að fá greitt út innistæður sínar en t.d. fyrir þá sem áttu fjármagn inni á Icesave reikningum Landsbankans. Um tvö hundruð þúsund viðskiptavinir Landsbankans í Bretlandi fengu inneign sína greidda út fyrir jól.

• 1 blogg um fréttina

Bloggað um fréttina

• Ásgeir Kristinn Lárusson: Svona rétt áður en ég soooofnnnaaa...