Hrein lánsfjárþörf ríkissjóðs 145 milljarðar

Hrein fjárþörf ríkissjóðs er 145 milljarðar króna á árinu sem áformað er að fjármagna með 100 milljörðum króna  af innistæðum ríkissjóðs í  Seðlabankanum og með útgáfu markaðsskuldabréfa umfram innlausn fyrir um 45 milljarða.

Gefinn verður út nýr 2ja ára flokkur ríkisbréfa í júlí og þriggja mánaða ríkisvixlar verða gefnir út mánaðarleg. Þá verða erlend lán á gjalddaga verða endurfjármögnuð en erlend lán að fjárhæð 150 milljónir evra kemur til innlausnar í maí.

Þetta kemur fram í yfirliti frá Seðlabankanum um áherslur í lánamálum árið 2009. Áætlanir gera ráð fyrir að eiginfjárframlag ríkissjóðs inn í nýju bankana nemi 385 milljörðum króna. Það verði greitt með markaðsskuldabréfum sem voru yfirtekin af ríkissjóði og Seðlabanka
Íslands vegna verðbréfalána, veð- og daglána.

Ríkissjóður kaupir markaðsskuldir af Seðlabanka fyrir um 320 milljarða og verður greitt fyrir þær með yfirtöku Seðlabankans á áður veittum lánum ríkissjóðs vegna styrkingar gjaldeyrisvaraforða að jafnvirði 220 milljarða króna og með skuldabréfi að andvirði um 100 milljarða.

• 1 blogg um fréttina

Bloggað um fréttina

• Júlíus Björnsson: 145.000.000.000 krónur