Mesti samdráttur í Bretlandi

Samdrátturinn í bresku efnahagslífi verður sá mesti meðal stóru hagkerfanna í Evrópusambandinu á þessu ári, eða um 2,8%. Gangi það eftir verður það versta útkoman í Bretlandi frá því árið eftir að seinni heimsstyrjöldinni lauk, eða árið 1946, samkvæmt spá framkvæmdastjórnar Evrópusambandsins.

Frá því var greint í gær að framkvæmdastjórn Evrópusambandsins gerir ráð fyrir því að hagvöxtur á evrusvæðinu verði neikvæður um 1,9% að jafnaði í löndunum 16 á þessu ári.

Spá framkvæmdastjórnarinnar fyrir Bretland er verri en spá breska fjármálaráðuneytisins, sem Alistair Darling stýrir. Hafði ráðuneytið gert ráð fyrir 1,25% samdrætti á þessu ári. Darling hefur reyndar sagt eftir að sú spá var lögð fram að útkoman gæti orðið verri en það.

• 1 blogg um fréttina

Bloggað um fréttina

• Halldór Halldórsson: Skyldu sömu kröfur vera uppi?