Bankabónusar rannsakaðir

Breska fjármálaráðuneytið ætlar að rannsaka bónusgreiðslur breskra banka til starfsmanna. Á vef Sunday Telegraph kemur fram að Royal Bank of Scotland sé með áform um að greiða starfsmönnum tæplega einn milljarð punda 167 milljarða króna, í bónusa, nokkrum mánuðum eftir að breska ríkið veitti bankanum neyðaraðstoð upp á 20 milljarða punda af skattfé almennings.

Fregnir af bónusgreiðslunum eru taldar eiga eftir að vekja mikla reiði meðal almennings á sama tíma og efnahagslægðin eykst í landinu. Í grein sem birt er í Sunday Telegraph segir Alistair Darling, fjármálaráðherra Bretlands, að hann ætli að láta fara fram sjálfstæða rannsókn á því hvernig bönkunum er stýrt, þar á meðal kaupaukakerfi þeirra. 

Darling segir í greininni að kaupin gerist ekki eins á eyrinni í dag og áður. Það sé allra hagur að heiðarleiki ríki í stjórnun bankanna. Það sé rangt að verðlauna fólk sem beri ábyrgð á falli bankanna sem kostaði milljónir viðskiptavina þeirra eymd. Verðlauna eigi fyrir góðan árangur ekki þeim mistekst.

• 2 blogg um fréttina

Bloggað um fréttina

• Jóna Kolbrún Garðarsdóttir: Ætli sama sé í gangi hérna á Íslandi
• Ægir Óskar Hallgrímsson: Og ruglið heldur áfram.