Óttast að Írland verði gjaldþrota

Fjárhagsstaða írska ríkisins er afar slæm og hafa sérfræðingar sagt opinberlega, að hætta sé á að Írland geti ekki greitt afborganir af erlendum lánum.

Skuldatryggingaálag írskra ríkisskuldabréfa hefur hækkað verulega að undanförnu og er nú 350 punktar, að því er kemur fram í blaðinu Sunday Times í dag. Þrefaldaðist álagið næstum því í síðustu viku.

Skuldatryggingaálag íslenska ríkisins fór raunar yfir 900 punkta í janúar.

Sunday Times hefur eftir Simon Johnson, fyrrum aðalhagfræðingi Alþjóðagjaldeyrissjóðsins, að alþjóðasamfélagið verði að koma Írum til bjargar, og þótt slíkt gerist ávallt á endanum, líkt og gerðist á Íslandi, sé betra og ódýrara að grípa strax til aðgerða. 

Írska ríkisstjórnin hefur veitt bönkum landsins landsins ábyrgðir sem  sem svara til 220% af landsframleiðslu.  Upphæð heildarlána írska bankakerfisins er 11 sinnum stærri en írska hagkerfið.  Gert er ráð fyrir að írska ríkið taki 15 milljarða evra að láni á þessu ári og skuldir ríkisins munu þá nema 70 milljörðum evra, jafnvirði 10 þúsund milljörðum króna.

• 5 blogg um fréttina

Bloggað um fréttina

• Guðmundur Sverrir Þór: Of snemmt að segja um langtímaáhrif evruaðildar
• Björn Heiðdal: Golf í paradís
• Jón Aðalsteinn Jónsson: Þurfa Írar ekki að borga
• Ægir Óskar Hallgrímsson: ESB hvað??
• Guðmundur Jónas Kristjánsson: Nánast gjaldþrota Írland = rökþrota ESB-sinnar