Skilyrði að skapast fyrir vaxtalækkun

Alþjóðagjaldeyrissjóðurinn hefur ítrekað sagt að lækkandi verðbólga, gengisstöðugleiki og afgangur af vöruskiptum séu forsendur fyrir því að gjaldeyrishöft verði afnumin og stýrivextir lækkaðir. Greining Íslandsbanka segir, að tvö fyrsttöldu markmiðin virðist nú vera að ganga eftir og vísar m.a. í nýjar tölur um vísitölu neysluverðs, sem Hagstofan birti í dag.

Á morgun koma nýjar tölur um greiðslujöfnuð. Greining Íslandsbanka segir í Morgunkorni, að þótt erfitt sé að ráða í niðurstöðu þáttatekjujafnaðar sé ljóst að hinir tveir undirliðir viðskiptajafnaðar, vöruskipti og þjónustuviðskipti, muni sýna verulegan bata miðað við undanfarin misseri.

Þá segir Íslandsbanki að áhugavert sé að sjá lækkun íbúðaverðs loksins koma fram af krafti í verðbólgumælingunni. Líklegt sé, að frekari lækkun muni koma fram á næstu mánuðum og verðbólgan hjaðna hratt á næstunni.

• 3 blogg um fréttina

Bloggað um fréttina

• Guðmundur Pétursson: Greining Glitnis ? :-)
• Jakobína Ingunn Ólafsdóttir: Hver voru skilyrðin?
• Guðrún María Óskarsdóttir.: Sami ráðgjafi í greiningardeild bankans fyrir og eftir hrun, eða …