Aðild ekki valkostur heldur nauðsyn

Þórður Magnússon, stjórnarformaður Eyrir Invest, sagði á Iðnþingi í dag að aðild Íslands að Evrópusambandinu væri ekki valkostur heldur brýn nauðsyn.

„Aðkoma Alþjóðagjaldeyrissjóðsins að stjórn efnahagsmála á Íslandi hafi aukið traust á okkur en það sama myndi gerast með aðildarumsókn okkar að Evrópusambandinu. Við eigum mikið undir því að öðlast traust á alþjóðavettvangi,“ sagði Þórður og bætti við óbreytt ástand gengi ekki til lengdar: „Án aðildar munu fyrirtækin okkar ekki geta vaxið nema flytja höfuðstöðvar til útlanda. Einhliða upptaka evru er heldur ekki valkostur.“

Þórður lagði þunga áherslu á að bætt lífskjör þjóðarinnar héldist í hendur við árangur okkar í alþjóðavæðingu og frekari útflutning. „Mælikvarði á árangur er aukning útflutningsverðmæta fremur en vöxtur í landsframleiðslu. Það eykur getu okkar að til að greiða niður erlendar skuldir og auka velmegun,“ sagði Þórður.

• 1 blogg um fréttina

Bloggað um fréttina

• Jón Aðalsteinn Jónsson: Hvers vegna