Evrópski seðlabankinn tapaði á íslensku bönkunum

Seðlabanki Evrópu og seðlabankar ríkja á evrusvæðinu töpuðu 10,3 milljörðum evra, jafnvirði 1165 milljörðum króna vegna fimm banka sem féllu á síðasta ári. Þetta voru íslensku bankarnir þrír, Lehman Brothers í Bandaríkjunum og hollensku bankinn Indover NL.

Þetta kom fram á blaðamannafundi Jean-Claude Trichet, seðlabankastjóra Evrópu, í gær þegar hann gerði grein fyrir stýrivaxtalækkun bankans.

Bankarnir fimm fengu fé að láni hjá seðlabankanum í hefðbundnum endurhverfum viðskiptum en hafa ekki getað greitt lánin til baka. Bankarnir lögðu fram veð fyrir lánunum, aðallega eignatryggð skuldabréf, sem hafa takmarkað verðgildi í núverandi markaðsumhverfi. 

Ekki er búið að afskrifa féð en fari svo að þess þurfi hefur seðlabankinn ákveðið að upphæðin deilist á alla evrusvæðisbankana eftir stærð. 

• 1 blogg um fréttina

Bloggað um fréttina

• Gísli Foster Hjartarson: Rétt upp hönd þeir....