Krefjast gjaldþrots GM

Tveir öldungadeildarþingmenn Repúblikanaflokksins  krefjast þess að bandaríski bílaframleiðandinn General Motors óski eftir gjaldþrotaskiptum í stað þess að fá ríkisaðstoð enn á ný. Forsvarsmenn GM neituðu því á föstudag að fyrirtækið myndi óska eftir greiðslustöðvun, svokölluðum Chapter 11 sem oft er undanfari gjaldþrotabeiðni.

Rekstur GM er nú fjármagnaður með 13,4 milljarða dala neyðarláni frá bandarískum stjórnvöldum og í síðasta mánuði sagðist fyrirtækið þurfa á 22,6 milljörðum dala til viðbótar ef fyrirtækið eigi að lifa áfram.

• 1 blogg um fréttina

Bloggað um fréttina

• Ólafur Als: Nauðsynleg uppstokkun bíður bílarisans og ríkisins