Verður íslenska ríkið hluthafi í Saks?
Setja bókamerki
/frimg/4/84/484515.jpg)
Efnahagskreppan hefur áhrif víða meðal annars á verslunarfyrirtækið Saks á Fimmtu tröð í New York. Baugur Group á 8,5% hlut í fyrirtækinu og samkvæmt frétt New York Post í dag þá er ekki útilokað að sá hlutur hafni í höndum íslenska ríkisins vegna bágrar fjárhagsstöðu Baugs.
Í NYP kemur fram að Baugur hafi greitt 250 milljónir Bandaríkjadala fyrir hlutinn en Baugur stefndi að því að eignast Saks að fullu. Segir í fréttinni að meðal hluthafa í Saks séu mexíkóski milljarðamæringurinn Carlos Slim en bréfin séu nánast verðlaus í dag. Verð hlutabréfa Saks er nú komið undir tvo dali á hlut, sem er um tíundi hluti þess sem Baugur greiddi fyrir hlutinn á sínum tíma.
Kemur fram í fréttinni að þetta sé þó einungis dropi í hafið þeirra skulda sem íslenska þjóðin þurfi nú að taka á sig vegna Jóns Ásgeirs Jóhannessonar, starfandi stjórnarformanns Baugs. Segir að skuldir hans nemi yfir tveimur milljörðum Bandaríkjadala eða ríflega 100 þúsund dölum á hvert mannsbarn á Íslandi.
Umfjöllun New York Post um Baug og Jón Ásgeir
Lát hjóna í Neskaupstað: Ákæra gefin út
Bjarni: „Útilokað að þetta geti gengið upp“
Samfylking og Viðreisn gáfu loforð
„Þetta er ríkisstjórn almannahagsmuna“
Forstjóri bendir á ábyrgð birgja vegna verðhækkana
Barn lést í árásinni
Alvarleg netárás á Wise
