Fall Straums gæti haft miklar afleiðingar í Danmörku

Fall Straums-Burðaráss í morgun gæti haft mikil áhrif á danskt viðskiptalíf. Íslenski bankinn hafði yfirtekið 75% hlut Baugs í M-Holding, sem á verslunarkeðjurnar dönsku Magasin og Illum og á jafnframt helming í byggingu Magasin við Kongens Nytorv í Kaupmannahöfn.

Hlutabréf í verslunarkeðjunum voru sett að veði fyrir láni hjá Straumi og þegar Baugur fór í greiðslustöðvun í byrjun febrúar yfirtók Straumir hlutabréfin.  Leitað hefur verið kaupenda að fyrirtækjunum. 

Þá yfirtók Straumur í haust húsgagnaverslunarkeðjuna Biva. Einnig kemur fram á fréttavef Berlingske Tidende, að á föstudag hefðu Straumur, tryggingasjóður dönsku verslunarinnar og Property Group, sem Straumur á stóran hlut í, stofnað eignarhaldsfélagið Pecunia, sem ætlað er að yfirtaka illa stödd fyrirtæki í samvinnu við banka. 

• 3 blogg um fréttina

Bloggað um fréttina

• Andri Geir Arinbjarnarson: Illum og Magasin á brunaútsölu!
• Guðmundur Ásgeirsson: Íslenska ríkið eignast Magasín við Kóngsins Nýjatorg í Kaupinhafn!
• Axel Jóhann Axelsson: Bankadóminó