Eftir úrskurð Héraðsdóms Reykjavíkur um að synja Baugi um áframhaldandi greiðslustöðvun getur hvaða kröfuhafi sem er krafist gjaldþrotaskipta á félaginu. Kröfuhafar félagsins vænta þess að félagið sjálft óski eftir gjaldþrotaskiptum en stjórnarfundur verður hjá Baugi síðdegis í dag.  

Baugur getur óskað eftir gjaldþrotaskiptum telji félagið að staða þess sé óumflýjanleg. Bæði Glitnir og Íslandsbanki vilja að félagið verði tekið til gjaldþrotaskipta. Samkvæmt upplýsingum frá Íslandsbanka hefur ekki verið tekin ákvörðun um að óska eftir skiptum og bíður bankinn eftir niðurstöðu frá Baugi áður en tekin verður ákvörðun um framhaldið.

Eigið fé neikvætt um 148 milljarða
Ein af málsástæðum skilanefndar Glitnis, sem andmælti áframhaldandi greiðslustöðvun Baugs, var að skuldir Baugs umfram eignir væru 148 milljarðar króna, samkvæmt yfirliti frá Baugi í janúar síðastliðnum. Það þýðir í reynd að eigið fé Baugs er neikvætt um 148 milljarða.

Fram kom í málflutningi á mánudaginn, þegar tekist var á um áframhaldandi greiðslustöðvun, að kröfur Glitnis á Baug væru vel á þriðja hundrað milljónir punda. Háar fjárhæðir væru þegar gjaldfallnar og ekkert benti til þess að Baugur gæti staðið skil á þeim skuldbindingum og öðrum sem myndu hvíla á félaginu innan skamms tíma.

Tengdar fréttir

Baugur í greiðslustöðvun

Lánastefna Glitnis svipuð og Kaupþings

• Franskt skíðasetur Jóns Ásgeirs til sölu
• Lífeyrissjóðir krefjast 4,4 milljarða úr Baugsbúi
• Réttaróvissa um veð Nýja Kaupþings
• Kröfuhafar Baugs funda

» Fleiri tengdar fréttir

• 2 blogg um fréttina

Bloggað um fréttina

• Jens Sigurjónsson: Jón Geislabaugur.
• Óskar Þorkelsson: Þá fara stýrisvextir að lækka ..