Landsbankinn lækkar vexti

Í framhaldi af lækkun stýrivaxta úr  18% í 17% hefur Landsbankinn ákveðið að lækka vexti á óverðtryggðum inn- og útlánum til samræmis. Ennfremur hefur bankinn ákveðið að lækka vexti á verðtryggðum inn- og útlánum.

Vekur athygli að bankinn lækkar einnig verðtryggða vexti en stýrivextir Seðlabanka Íslands hafa bein áhrif á óverðtryggða vexti en verðtryggðir vextir taka mið af almennri vaxtaþróun á markaði.

Vextir á verðtryggðum inn- og útlánum lækka um 1 prósentustig.
Vextir óverðtryggðra innlána lækka á bilinu 0,5 til 1,2 prósentustig.
Vextir óverðtryggðra útlána lækka um allt að 1 til 1,2 prósentustig og eru það námsmenn sem njóta mestrar lækkunar á yfirdráttarlánum sínum. 

Vextir bankans munu halda áfram að taka breytingum í samræmi við aðstæður á markaði.  Með almennri vaxtalækkun er Landsbankinn að styðja við markmið stjórnvalda og Seðlabanka um að koma á efnahagslegum stöðugleika sem fyrst og létta greiðslubyrði skuldara, að því er segir í tilkynningu frá Landsbankanum.
 
Vaxtabreytingin tekur gildi 21. mars n.k.

Nánari upplýsingar um vaxtakjör bankans má finna á vef Landsbankans  en taflan verður uppfærð þann 21. mars.

• 1 blogg um fréttina

Bloggað um fréttina

• Jón Ingi Cæsarsson: Er Villi ekki í fýlu ?