Forstjóri GM lætur af störfum

Rick Wagoner, forstjóri bandaríska bílaframleiðandans General Motors, hefur fallist á kröfu ríkisstjórnar Baracks Obama, Bandaríkjaforseta, um að láta af störfum án tafar.

Að sögn bandarískra fjölmiðla er þetta meðal skilyrða fyrir að GM og bílaframleiðandinn Chrysler fái meira fé úr opinberum sjóðum. Bílaframleiðendurnir tveir hafa þegar fengið 17,4 milljarða dala og þurfa að fá annað eins. 

Wagoner, sem er 56 ára, hefur starfað hjá GM frá árinu 1976 og verið forstjóri frá 2003. 

• 1 blogg um fréttina

Bloggað um fréttina

• Ómar Ragnarsson: Ekki traustvekjandi.