Krónan styrkist um 1,41%

Krónan hefur styrkst um 1,41% það sem af er degi, samkvæmt upplýsingum frá gjaldeyrisborði Íslandsbanka.

Samkvæmt upplýsingum frá bankanum hafa bein áhrif nýrrar gjaldeyrislöggjafar ekki skilað sér ennþá en lagasetningin virðist hafa eflt tiltrú markaðarins á gjaldmiðlinum, sem hefur leitt til áðurnefndrar styrkingar. Með öðrum orðum hafa eigendur gjaldeyris selt gjaldeyri í nokkrum mæli.

Frumvarp ríkisstjórnarinnar um hert gjaldeyrishöft sem Alþingi samþykkti í gær gerir m.a. ráð fyrir því, að útflutningsviðskipti vöru og þjónustu skuli fara fram í erlendum gjaldmiðli. Í greinargerð með frumvarpinu segir, að gengi íslensku krónunnar hafi farið lækkandi síðustu vikur og séu sterkar vísbendingar um að því markmiði með skilaskyldu á gjaldeyri að byggja upp gjaldeyrisforða vegna útflutningstekna, verði ekki náð þar sem aðilar séu ekki skuldbundnir til að selja útflutningsafurðir í erlendum gjaldmiðli.

• 3 blogg um fréttina

Bloggað um fréttina

• Gunnar Þór Gunnarsson: Hvar er rannsóknarblaðamennskan?
• Haukur Baukur: Krónan ekki framtíðargjaldmiðill
• Aliber: Ísland er ekki svona mikils virði