Gunnar og Margeir ná sáttum

Gunnar Svavarsson, alþingismaður, og Margeir Pétursson,  stjórnarformaður MP Banka, hafa náð sáttum eftir að hafa rætt saman símleiðis. Segir Margeir að um misskilning hafi verið að ræða, þegar hann hafi sagt Gunnar ganga erinda samkeppnisaðila MP Banka. Segir hann að ekki sé tilefni til frekari stóryrða vegna málsins.

Gunnar tekur undir þetta og segir að Margeir hafi haft samband við sig og ljóst sé að um miskilning sé að ræða. „Um miskilning er að ræða af hans hálfu varðandi spurningu mína hjá viðskiptanefnd i morgun. Ég er búinn að útskýra fyrir honum málið og í ljósi þess er ég einnig tilbúinn að horfa framhjá því að hann hafi valið þau óheppilegu orð að ég hafi verið að ganga erinda annarra, svo sem samkeppnisaðila Mp banka. Málið mun ekki hafa frekari eftirmála af minni hálfu.“

• 1 blogg um fréttina

Bloggað um fréttina

• Haraldur Haraldsson: Gunnar og Margeir ná sáttum////eins gott það!!!!!