Hefja viðræður við Svisslendinga um bankaleynd

Stjórnvöld í Bandaríkjunum og Sviss hafa ákveðið að hefja samningaviðræður um breytingar á skattasamningi ríkjanna til að draga úr bankaleynd. Bandaríska dómsmálaráðuneytið tilkynnti þetta í kvöld.

Leiðtogar tuttugu helstu efnahagsvelda heims, G20, samþykktu í vikunni sem leið að blása til sóknar gegn skattaskjólum til að stemma stigu við skattaundanskotum. Spenna hefur verið í samskiptum Bandaríkjanna og Sviss vegna stórfelldra skattsvika bandarískra auðmanna í tengslum við svissneska bankann UBS.

Bandaríska dómsmálaráðuneytið sagði að gert væri ráð fyrir því að viðræður ríkjanna tveggja hæfust í Berne í Sviss 28. þessa mánaðar.

• 2 blogg um fréttina

Bloggað um fréttina

• Baldvin Jónsson: Um peningaprentun Bandaríkjamanna
• Friðrik Björgvinsson: 251200-0009 Jesú Kr. Jósepsson