Tap Alcoa meira en talið var
Frá kauphöllinni í New York.
Reuters
Setja bókamerki
Gengi hlutabréfa í kauphöllinni í New York lækkaði í dag eftir að skýrt var frá því að rekstrartap álfyrirtækisins Alcoa, sem rekur álverið í Reyðarfirði, hefði verið meira á fyrsta fjórðungi ársins en búist var við.
Önnur bandarísk stórfyrirtæki birta ársfjórðungsuppgjör sín á næstu dögum og óttast er að þau verði til þess að gengi hlutabréfa lækki frekar.
Skýrt var frá því að tap Alcoa hefði numið 497 milljónum dollara, jafnvirði rúmlega 62 milljarða króna, á fyrsta fjórðungi ársins. Fyrirtækið hefur verið rekið með tapi í tvo ársfjórðunga í röð vegna minnkandi eftirspurnar og lágs álverðs.
Dow Jones-vísitalan lækkaði um 2,34%, Nasdaq um 2,81% og Standard & Poor-vísitalan um 2,39%.
Vika í kosningar: Þetta segja kannanir
Flestir sem hvergi finnast koma frá Sómalíu
Reiðubúin að aflýsa verkföllum í fjórum leikskólum
Gasmengun gæti borist yfir höfuðborgarsvæðið
„Sá vegur er bæði háll og myrkur“
Dregið úr gosóróa
Ekki vandamál að vera karlmaður