Bílasala GM minnkaði um 34% í apríl

Bandaríska bílafyrirtækið GM hefur skýrt frá því að bílasala þess í Bandaríkjunum hafi minnkað um 34% í apríl, miðað við sama mánuð á síðasta ári. Fyrirtækinu tókst þó að auka markaðshlutdeild sína.

Mark LaNeve, aðstoðarforstjóri GM, sagði að þrátt fyrir samdráttinn hefðu komið fram merki um að botninum hefði verið náð. Hann benti á að salan hefði aukist um 11% miðað við marsmánuð.

Bílasala GM minnkaði um 45% á fyrstu mánuðum ársins, miðað við sama tíma á síðasta ári.

Bílasala Chrysler-fyrirtækisins minnkaði um 48% í Bandaríkjunum í apríl, miðað við sama mánuð á síðasta ári. Skýrt var frá því í gær að Chrysler, þriðja stærsta bílafyrirtæki Bandaríkjanna, hefði óskað eftir greiðslustöðvun og hygðist hefja samvinnu við ítalska bílafyrirtækið Fiat.

• 1 blogg um fréttina

Bloggað um fréttina

• Ómar Ragnarsson: Loksins undið ofan af kreppunni miklu.